काठमाडौं । काठमाडौंको अनामनगर–देवीनगर क्षेत्रमा आज पनि सरकारले बिहानैदेखि डोजर लगाइरहेको छ । सरकारी जग्गा अतिक्रमण गरेर बनाइएका संरचनामा सरकारले डोजर लगाएर भत्काइ रहेको हो । 

शनिबार पनि उक्त क्षेत्रमा डोजर चलाएर सरकारले त्यस्ता संरचनाहरू भत्काएको थियो । आइतबार पनि डोजर चलाइने भएपछि सो क्षेत्रमा सुरक्षा व्यवस्था कडा पारिएको छ। बिहानैदेखि प्रहरी परिचालन गरिएको छ ।

सरकारले शुक्रबार बल्खु र कालिमाटी क्षेत्रका नदी किनारमा रहेका सुकुम्वासी बस्ती हटाएको थियो । हालसम्म काठमाडौं उपत्यकामा सरकारी, सार्वजनिक र निजी जग्गा अतिक्रमित गरी निर्माण गरिएका करिब दुई हजारभन्दा बढी घरटहरा हटाइएको महानगर प्रहरीले जनाएको छ ।