काठमाडौं । बालेन्द्र साह नेतृत्वको सरकारले यसभन्दा अगाडिका राजनीतिक नियुक्ति खारेज गर्ने तयारी गरेपछि संस्कृत विश्वविद्यालयका उपकुलपति प्रा.डा. धनेश्वर नेपालले पदबाट राजीनामा दिएका छन् । २०८१ पुस ७ मा तत्कालीन प्रधानमन्त्री केपी शर्मा ओली नेतृत्वको सरकारले नियुक्त गरेका नेपालले शुक्रबार पदबाट राजीनामा दिएका हुन् । 

यसअघि त्रिभुवन विश्वविद्यालयका पदाधिकारीले राजीनामा दिएका थिए  । १७ वैशाखमा त्रिविका उपकुलपति प्राडा दिपक अर्याल, शिक्षाध्यक्ष प्राडा खड्ग केसी र रजिस्ट्रार प्रा.डा. केदारप्रसाद रिजालले राजीनामा दिएका हुन् ।

वर्तमान सरकारले पुराना नियुक्ति खारेज गर्नका लागि राष्ट्रपति रामचन्द्र पौडेल समक्ष अध्यादेश लगि सकेको छ ।