काठमाडौं । नेपाली कांग्रेसका सभापति गगनकुमार थापाले बालेन्द्र साह नेतृत्वको सरकारले सुकुम्बासीहरुलाई युद्ध अपराधीको जस्तै व्यवहार गरेको आरोप लगाएका छन् । शुक्रबार नेपाल ट्रेड युनियनको कार्यक्रमलाई सम्बोधन गर्दै सभापति थापाले यस्तो आरोप लगाएका हुन् । 

उनले वास्तविक सुकुम्वासीको पहिचान नै नगरी डोजर लगाएकोप्रति आपत्ति जनाए । सुकुम्बासीको पहिचान नै नगरी र विकल्प नै नदिई हटाइएको उनको भनाइ रहेको थियो । 

 ‘अहिले काठमाडौंका बस्तीमा डोजर चलिरहेको छ। नदिकिनारमा बसेका केही मान्छेहरू राज्यलाई ढाँट छल गरेर, बाहिर घरजग्गा भएका मानिसहरू पनि छन्। तीनलाई पहिचान गरेर दण्ड दिएर हटाउने व्यवस्था कानुनले नै सरकारलाई जिम्मेवारी दिइएको छ।’ – सभापति थापाले भने ।