काठमाडौं । सरकारले सम्पत्ति शुद्धीकरण सम्बन्धी ऐन पनि संशोधन गर्ने भएको छ । उक्त ऐनलाई अध्यादेश मार्फत संशोधन गर्ने भएको हो । 

उक्त ऐन संशोधन गर्नका लागि सरकारले राष्ट्रपति भवन शीतल निवासमा नयाँ अध्यादेश पठाएको छ । यस अघि सातवटा अध्यादेश पठाएको सरकारले आठौं अध्यादेशका रुपमा सम्पत्त शुद्धीकरण अध्यादेश लगेको हो । 

राष्ट्रपति रामचन्द्र पौडेलले भने दुईवटा अध्यादेश मात्र प्रमाणिकरण गरेका छन् । हिजो सहकारी अध्यादेश र खरिद नियमावली संशोधन अध्यादेश जारी भएका हुन् । 

अन्य अध्यादेश भने अन्योलमा छन् । राष्ट्रपति पौडेलले बिहीबार अध्यादेश जारी गर्ने कि नगर्ने भन्ने विषयमा कानूविदहरुसँग परामर्श गरेका थिए ।