काठमाडौं । शान्तिका अग्रदूतका रूपमा विश्वमा परिचित गौतम बुद्धको २५७०औँ जन्म जयन्ती आज मनाईंदैछ । बुद्धलाई भगवान् विष्णुको नवौँ अवतारका रूपमा लिइएको छ । प्रत्येक वर्ष वैशाख शुक्ल पूर्णिमाका दिन बुद्ध जयन्ती मनाइन्छ ।
सिद्धार्थ गौतमले विश्व शान्ति स्थापनाका लागि पुर्याएको योगदानको स्मरणस्वरूप यो पर्व मनाउने गरिएको हो । बुद्धको जन्म, ज्ञान प्राप्ति, महापरिनिर्वाण ९मुत्यु० वैशाख शुक्ल पूर्णिमाकै तिथिमा परेकाले यस दिन नेपाललगायत विश्वका बौद्ध धर्मावलम्बीले बुद्धप्रति भावपूर्ण श्रद्धा र भक्तिले बुद्धजयन्ती मनाउने गर्दछन् ।
‘अहिंसा नै शान्ति र मैत्रीको आधारशिला हो’, यस्ता अनेकौँ कालजयी सन्देशका वाहक भगवान् गौतम बुद्धको २५७०औँ जयन्ती शान्तिको कामना गर्दै आज देशभर मनाउन लागिएको हो ।
बौद्ध धर्मावलम्बीले चैत्य, गुम्बा, विहारलगायत स्थलमा लामा एवं बौद्ध धर्मगुरु बसेर परम्परादेखि हुँदै आएको पूजालगायत विधि पूरा गरिन्छ । यस अवसरमा लुम्बिनी, स्वयम्भू, बौद्धलगायत स्थलमा विविध कार्यक्रम आयोजना गरी बुद्ध जयन्ती मनाउने परम्परा छ ।
इसापूर्व ५६३ अर्थात् आजभन्दा २५७० वर्षअघि रुपन्देही जिल्लास्थित लुम्बिनी उद्यानमा पिता राजा शुद्धोधन र माता मायादेवीको गर्भबाट वैशाख शुक्ल पूर्णिमाका दिन सिद्धार्थ गौतमको जन्म भएको थियो ।
राजकुमारका रूपमा जन्म लिएका सिद्धार्थ गौतम मानिसले पाएका दुःख देखेर चिन्तित बने । २९ वर्षको उमेरमा दरबार छोडी तपस्याका लागि निस्किएका थिए ।
यो खबर पढेर तपाईलाई कस्तो महसुस भयो ?
ताजा उपडेट
- सरकारले सुकुम्बासीलाई युद्ध अपराधीको व्यवहार गरेको गगनको आरोप
- यी हुन् रोल्पा दुर्घटनामा ज्यान गुमाएका २० जना
- बालेनलाई माधव नेपालको चेतावनी, मजदुरले आन्दोलनको नेतृत्व गर्छन्
- राष्ट्रपति कार्यालयमा पुग्यो अर्को अध्यादेश
- बुद्ध जयन्तीकै दिन ढालियो गुम्बा
- माङ्लबारे गुम्बामा शिव शक्ति बाबा : धर्म, शिक्षा र संरक्षणमा जोड
- बुद्ध जयन्तीको अवसरमा प्रधानमन्त्री बालेनको फेसबुक स्टाटस यस्तो छ
- सुकुम्बासी बस्ती खाली गराउने आज दोश्रो चरण, बल्खुमा पुग्यो डोजर


ट्रेन्डिङ
खबरमुकाम







