डेभिड शङ्करको स्वरमा रहेको गीत ‘पीरै पीर भो जीवन’ सार्वजनिक भएको छ । वरिष्ठ गीतकार दिनेश अधिकारीको शब्द रचना, दीपक शर्माको संगीत र पुरुषोत्तम पौडेलले संगीत संयोजन रहेको गीतको भिडियो सार्वजनिक भएको हो । गीतको भिडियो डेभिडको आधिकारिक युट्युब च्यानलमार्फत दर्शकमाझ छ ।

जीवनका भोगाइ र अनुभूतिलाई गीतमार्फत प्रभावशाली ढंगले प्रस्तुत गरिएको छ । गीतलाई म्युजिसियन स्टुडियोमा किशोर थापाले रेकर्ड गरेका हुन् । पूजा ठकुरीले निर्देशन रहेको गीतको भिडियोमा गायक डेभिडसँगै गीतकार दिनेश र संगीतकार दीपक शर्मालाई पनि देख्न सकिन्छ ।

स्टुडियोमा गीत सिर्जना हुँदै रेकर्डिङसम्मको प्रक्रियालाई समेट्दै भिडियो तयार गरिएको छ । भिडियो छायांकन हरिश महराले गरेका हुन् भने सम्पादन विनोद बमको छ । निर्मला आचार्यले शृंगारको जिम्मेवारी सम्हालेकी छिन् ।

"https://www.youtube.com/embed/8ksxIUWR8vs"