ट्रेन्डिङ
खबरमुकाम
गुल्मी। गुल्मीको पुल्चोक स्पोट्स क्लबले तम्घास चिदिचौर खेलमैदानमा आयोजना गर्न लागेको ‘पुल्चोक क्रिकेट लिगको चौथो संस्करण’ को सम्पूर्ण तयारी पूरा गरी शुक्रबारदेखि सुरु हुँदैछ । फागुन १९ गतेसम्म सञ्चालन हुने पुल्चोक क्रिकेट लिगको चौथो संस्करणमा आयोजकसहित चार क्लबले सहभागिता जनाउने क्लबका अध्यक्ष प्रकाश मरासिनीले जानकारी दिए ।
क्लबका अध्यक्ष मरासिनीका अनुसार पुल्चोक क्रिकेट लिगको चौथो संस्करणमा आयोजक पुल्चोक स्पोट्स क्लब, फोर्टिन स्टार युवा क्लब, ब्रदर्श युथ सोसाइटी र दुविचौर टाइगरले भाग लिने भएका छन् । प्रतियोगितामा भाग लिने क्लब तथा टिमहरूले अक्सनमार्फत खेलाडीहरू खरिद गरिसकेका छन् । पुल्चोक क्रिकेट लिगको चौथो संस्करणका लागि अक्सनमा रहेका ६५ जना खेलाडीमध्ये ५२ जना खेलाडी अनुबन्धित गराइएको उनले बताए ।
अक्सनबाट सर्वाधिक मूल्य पाउने सुरज थापा, गणेश थापा, एसएस–यू खेलाडी बन्न सफल भए। अक्सनमार्फत १३/१३ जना खेलाडी छनोट भएका छन् । प्रतियोगिताका लागि आयोजकले प्रतियोगितामा सहभागी क्लबलाई खेलाडी खरिदका लागि एक लाख क्वाइनसम्म खर्च गर्ने व्यवस्था गरेको थियो ।
क्रिकेट खेल खेलिसकेका दुईरदुई जना मार्की र एक/एक जना टिम कप्तानका रूपमा सहभागी क्लब स्वयम्ले छनोट गरेका पुल्चोक स्पोट्स क्लबका महासचिव उमेश पाण्डेले जानकारी बताए ।
विगतदेखि नै पुल्चोक क्रिकेट लिगको आयोजना गर्दै आएको यस पुल्चोक स्पोट्स क्लबले आफ्नो वार्षिकोत्सवको अवसरमा छात्रा फुटबल प्रतियोगिताको आयोजना समेत गर्दै आएको छ । यसरी क्लबले आयोजना गर्ने प्रतियोगिताले जिल्लाको खेल क्षेत्रसँगै आर्थिक विकासमा समेत टेवा पुर्याउने स्थानीयहरूले बताएका छन् ।
पुल्चोक क्रिकेट लिगको चौथो संस्करणका विजेताले ४० हजार रुपियाँ नगदसहित शिल्ड, मेडल र प्रमाण पत्र, उज–विजेताले पुरस्कार १० हजार रुपियाँ नगद र प्रमाण पत्र प्राप्त गर्ने आयोजकले जनाएको छ ।
यो खबर पढेर तपाईलाई कस्तो महसुस भयो ?
ताजा उपडेट
- नाडा र नेपाल बिमा प्राधिकरण विच विद्युतिय सवारी साधनहरुको विमाबारे छलफल
- प्रविधिमा प्रशिक्षित गर्दै पर्यटनमा महिलाको सशक्त सहभागिता आवश्यक
- सिटिजन्स बैंकद्वारा १८ औं बार्षिकोत्सवको अवसरमा सडक आश्रीत घरबारविहीनलाई १८ दिन भोजनको व्यवस्था, निःशूल्क स्वास्थ्य शिविर संचालन
- बिस्का जात्राको आठौँ दिन: सगुन जात्रा सम्पन्न
- प्रभु बैंक र कृषि बजार व्यवस्थापन समिति बीच व्यवसायिक साझेदारी सम्झौता सम्पन्न
- लुम्बिनी विकास बैँकद्वारा किर्तिमानी पर्वतारोही कामी रिता शेर्पा लाई बैंकको लोगो अंकित ब्यानर हस्तान्तरण
- रिलायबल लाइफ इन्स्योरेन्सले खुल्ला गर्यो १ अर्व आकारको रिलायबल समृद्धि योजना
- पर्यटन प्रबर्द्धन गर्न कूटनीतिक प्रतिनिधिलाई पूर्वी नेपालको यात्रा
