गायिका ईश्वरी बरालको गीत ‘नैना रेशम’ सार्वजनिक भएको छ । बरालको सुमधुर स्वर रहेको गीतमा शब्द र संगीत सिर्जना राजकुमार बगरको रहेको छ । 

नरेन्द्र वियोगीले संगीत संयोजन गरेका हुन् भने गीतको म्युजिक भिडियो मुस्कान ढकालले निर्देशन गरेका हुन् ।

गायिका बरालसँगै स्मारिका ढकाल र शुरेस कोलीको अभिनय देख्न सकिन्छ । गीतमा नैना र रेशमबीचको प्रेमभावलाई देखाइएको छ । उक्त भिडियोको छायांकन उत्तम हुमागाईंले गरेका हुन् भने सम्पादन विकास ढकालले गरेका हुन् ।

सञ्चारकर्मीसमेत रहेकी गायिका बरालले यसअघि ‘खानदानी छोरी’, ‘हरेक रात सपनीमा’,’नरिसाउन होइ’लगायतका गीत गाएकी छन्।

https://www.youtube.com/embed/jUs7p8bB8jo