मानुषी लघुवित्त वित्तीय संस्थाको विशेष साधारण सभा सम्पन्न

खबरमुकाम
२०८१, भदौ ९ आइतबार

काठमाडौं । शुक्रबार मानुषी लघुवित्त वित्तीय संस्था लिमिटेडले साधारण सभा सम्पन्न गरेको छ। सभाको मुख्य एजेन्डा डिमर्ज रहेको थियो । कार्यक्रममा श्रृजनशील लघुवित्तसँग डिमर्ज गर्ने प्रस्ताव पारित भयो ।

संस्थाले श्रृजनशील लघुवित्तसँग मर्ज गर्ने भनेर अघिल्लो आव मा नै सम्पूर्ण प्रक्रिया पुरा गरेको थियो । विशेष कारणवस उक्त प्रक्रिया अगाडि बढाउन नसकिएको जानकारी सभामा गराइएको थियो । संस्था र संस्थाका सम्पूर्ण लगानीकर्ताको हितका लागि यसो गरिएको संस्थाकी कार्यकारी प्रमुखले बताइन ।

यो मर्जर पूरा हुन नसके पनि अर्को उपयुक्त लघुवित्तको खोजी गरि मर्जरमा जानका लागि सभाले सञ्चालक समितिलाई अख्तियारी प्रदान गरेको छ ।

गत साता मात्रै संस्थाले नाफामा गएको वित्तीय विवरण प्रकाशित गरेको थियो । काभ्रेको बनेपामा केन्द्रीय कार्यालय रहेको संस्थाको हाल १४ जिल्लामा ३६ वटा शाखा रहेका छन । संस्थाको शेयर पूँजी १० करोड ९३ लाख ७५ हजार रहेको छ ।