काठमाडौं  - । प्रभु इन्स्योरेन्स कम्पनीको खुद नाफा अघिल्लो आर्थिक वर्षको तुलनामा दोब्बर भएको छ । कम्पनीले अघिल्लो आर्थिक वर्षमा यस्तो नाफा २२ करोड ५० लाख थियो भने गत आर्थिक वर्षमा ४९ करोड ८ लाख रुपैयाँ खुद नाफा कमाएको छ । कम्पनीको कुल आम्दानी गत आर्थिक वर्षमा १ अर्ब ४१ करोड रुपैयाँ छ । अघिल्लो आर्थिक वर्षमा ८९ करोड ८० लाख रुपैयाँ थियो ।

नाफासँगै प्रतिसेयर आम्दानी बढेको छ । अघिल्लो आर्थिक वर्षमा यस्तो आम्दानी १५ रुपैयाँ ६१ पैसा रहेकोमा गत आर्थिक वर्षमा ३४ रुपैयाँ ०५ पैसा छ । कम्पनीको प्रतिसेयर नेटवर्थ २२२ रुपैयाँ १९ पैसा छ । खुद प्रिमियम आम्दानी अघिल्लो आर्थिक वर्षमा ५७ करोड ७ लाख रुपैयाँ रहेकोमा गत आर्थिक वर्षमा ६५ करोड २२ लाख रुपैयाँ छ । १ अर्ब ४४ करोड रुपैयाँ चुक्ता पूँजी रहेको छ । कम्पनीको विशेष कोषमा १ अर्ब २९ करोड रुपैयाँ छ भने महाविपत्ति कोषमा १० करोड ८ लाख छ ।