काठमाडौं । एसईई परीक्षाको नतिजा थाहा पाउनका लागि नेपाल टेलिकमले  विभिन्न सेवाहरु प्रयोगमा  ल्याएको छ ।

राष्ट्रिय परीक्षा बोर्ड, परीक्षा नियन्त्रण कार्यालय कक्षा १०, सानोठिमी भक्तपुरबाट प्रकाशित हुने २०८० सालको एसईई परीक्षाको नतिजा आईभीआर(IVR) एसएमएस  ( SMS) तथा वेबसाइटमार्फत प्राप्त गर्न सकिनेछ । 

नेपाल टेलिकमको ल्यान्डलाइन वा मोबाइल फोनबाट १६०० डायल गरी प्राप्त निर्देशन अनुसार एसईई परीक्षाको नतिजा थाहा पाउन सकिनेछ । 

त्यसैगरी मोबाइलको म्यासेज बक्समा अंग्रेजी अल्फाबेट एसईई लेखेर खाली ठाउँ छोडी सिम्बल नम्बर टाइप गरी ( SEE <space> <symbol number > ) १६०० मा सन्देश पठाएर पनि नतिजा थाहा पाउन सकिन्छ । उदाहरणका लागि   SEE 12345678A टाइप गरी १६०० मा सन्देश ( SMS) पठाउन सकिनेछ। 

यसका साथै मार्कसिट सहितको नतिजा प्राप्त गर्नका लागि नेपाल टेलिकमको वेबसाइट 
https://see.ntc.net.np मार्फत आफ्नो सिम्बल नम्बर र जन्ममिति ईन्ट्री गरी मार्कसिट सहितको नतिजा प्राप्त गर्न सकिनेछ । 

नतिजा प्रकाशित भएको केही समय पश्चात यो सुविधा उपयोग गर्न सकिनेछ । यसबाट सम्पूर्ण विद्यार्थी वर्ग लाभान्वित हुने कम्पनीको अपेक्षा छ ।