काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले आज पत्रकार सम्मेलनको आयोजना गर्ने भएका छन् । उनले सामाजिक सञ्जाल मार्फत यस्तो जानकारी दिएका हुन् ।

उनले लेखेका छन् ‘गाली गर्न कोही छुट्नु भो कि ? छुट्नु भएको भए गरिहालौं है। मलाई केही कुरा लुकाउनु छैन । पहिलेदेखि जे भन्दै आएँ, त्यसैमा अडिग छु । मिडियामा निरन्तर आइरहेका ‘स्लिप’ मा कोहि ‘स्लिप’ हुनै पर्दैन । बाँकी भ्याए सम्म आजै साँझ प्रेस मिटको तयारी गर्दैछु । सारा प्रश्नहरु एकत्रित पार्दै गर्नु होला, कसैको कुनै प्रश्न नछुटोस् । त्यसैबाट सबै स्पष्ट पार्ने नै छु ।

लामिछानेले सहकारीको रकम ठगी गरेको बारेमा विभिन्न समाचारहरु आइरहेका छन् । उनले भने त्यसको प्रतिवाद गर्दै आएका छन् ।