काठमाडौं । क्रिकेटर सन्दीप लामिछानेविरुद्धको मुद्धाको सुनुवाइ ‘हेर्दाहेर्दै’मा राखिएको छ । आइतबार काठमाडौं जिल्ला अदालतका न्यायाधीश शिशिरराज ढकालको इजलासमा पेशी तोकिएको मुद्धाको सुनुवाइ नसकिएकाले अर्को दिनको लागि हेर्दाहेर्दैमा राखिएको हो ।

आइतबार सहायक जिल्ला न्यायाधिवक्ता सुरबहादुर परियारले बहस गरेका थिए । सरकारी वकिलले बहस सकेपछि पीडितका निजी कानुन व्यवसायीले पनि प्रतिरक्षामा बहस गर्ने तालिका छ । प्रतिरक्षामा वरिष्ठ अधिवक्ताहरु शम्भु थापा, रमणकुमार श्रेष्ठ, कृष्ण सापकोटा र सबिता भण्डारी तथा अधिवक्ताहरु सरोजकृष्ण घिमिरे, रोशनी पौडेल र मुरारी सापकोटाले बहस गर्ने भएका छन् ।

मुद्दाको अन्तिम सुनुवाइ सकिएपछि सन्दीपले कि सफाइ पाउँछन् कि जेल सजाय हुनेछ । सन्दीप दोषी ठहर भए उनी कम्तीमा १० वर्ष जेलमा बस्नुपर्नेछ । 
पीडित किशोरीको उमेर १८ वर्ष कम भएको दाबी गर्दै १० देखि १२ वर्षसम्मको कैद सजाय माग गरी मुद्दा हालिएको छ ।