काठमाडौं । प्रमुख प्रतिपक्षी दल नेकपा (एमाले)ले सचिवालय बैठक बोलाउने तयारी गरेको छ । मंसिर १४ गतेदेखि पुस १ गतेसम्म मध्यपहाडी क्षेत्र अन्तर्गत ‘झुलाघाट–चिवाभञ्ज्याङ सङ्कल्प यात्रा’ गरेको एमालेले त्यसको समिक्षा गर्न सचिवालय बैठक बोलाउन लागेको हो ।

एमालेले गरेको मध्यपहाडी लोममार्ग अन्तर्गतको यात्राका क्रममा पार्टी अध्यक्ष केपी शर्मा ओली आफैंले नेतृत्व गरेका थिए । लोकमार्ग अन्तर्गतका २६ वटा जिल्लामा एमालेले संकल्पयात्रा गरेको हो ।

यात्राका क्रममा एमाले नेतृत्वले मध्य पहाडका जनताका समस्या, गुनासा र सम्भावनाबारे अध्ययन गरेको बताएको छ । एमाले प्रचार विभाग प्रमुख राजेन्द्र गौतमले एक दुई दिनभित्रै सचिवालय बैठक बस्ने गरी छलफल भइरहेको जानकारी दिए ।