एजेन्सी । सन्दीप रेड्डी वांगाले निर्देशन गरेको फिल्ममा अभिनेता रणवीर कपूर मुख्य भुमिकामा भए पनि पहिलो रोजाइ भने होइनन् ।

सन्दीपको पहिलो रोजाइमा दक्षिण भारतीय अभिनेता महेश बाबु थिए र फिल्म तमिलमा बनाउन चाहन्थे ।

रणवीरलाई फिल्म अफर गरेपछि भने उनको हिन्दी संस्करणमा फिल्म बनाउने योजना अघि बढ्यो । हुन त हाल यो फिल्म हिन्दीसँगै तमिल र तेलुगु संस्करणमा प्रदर्शन भइरहेको छ । 

महेश बाबूले यस फिल्मलाई ‘डार्क थिम फिल्म’ भएको भन्दै छाडेका थिए । डार्क फिल्ममा अभिनय गर्दा दर्शकले स्वीकार गर्न नसक्ने अनुमान गरेर उनले फिल्मको स्क्रिप्टमा नै परिवर्तन गर्न भनेका थिए ।

सन्दीपले फिल्मको स्क्रिप्ट परिवर्तन गर्न मानेनन् । अन्ततः रणवीरलाई फिल्म प्रस्ताव गरे । महेश बाबुलाई फिल्म प्रस्ताव गर्दा फिल्मको नाम ‘डेविल’ राखिएको थियो । 

उनले फिल्मको प्रस्ताव अस्विकार गरेपनि प्रचारप्रसारमा साथ दिएका थिए । फिल्म रिलिजअघि हैदरावादमा गरिएको फिल्मको कार्यक्रममा उनी सहभागी भएका थिए।

फिल्ममा रणवीरसँगै रश्मिका मन्दना, बबी देओल, अनिल कपूरको मुख्य भूमिका छ । फिल्ममा अनिल रणवीरको बाबुको भूमिकामा छन् भने रश्मिका उनको श्रीमतीको भूमिकामा देखिएका छन् ।