ट्रेन्डिङ
खबरमुकाम
काठमाडौं । तारागाउँ रिजेन्सी होटल्सको सेयर कारोबार स्थगित भएको छ । नेपाल स्टक एक्सचेन्ज (नेप्से)ले धितोपत्र सूचीकरण विनियमावलीअनुसार कारोबार स्थगित गरिएको जनाएको छ ।
कम्पनीले लाभांश घोषणासम्बन्धी निर्णय ढिलो गरी जानकारी गराएको भन्दै नेप्सेले सेयर कारोबार स्थगित गरिदिएको हो ।
‘
धितोपत्र सूचीकरण विनियमावली २०७५ को विनियम २२ (१) मा भएको व्यवस्थाबमोजिम धितोपत्र मूल्यमा प्रभाव पार्ने सूचना, जानकारी वा निर्णय सिर्जना भएमा सोही दिन वा भोलिपल्ट कारोबार खुल्नुअघि सम्बन्धित सूचीकृत संगठित संस्थाले नेप्सेमा पेस गर्नुपर्ने व्यवस्था रहेकाले उक्त विनियममा भएको व्यवस्था पालना नगरेकाले विनियमावलीको विनियम १६ (१) (ख)मा भएको व्यवस्थाअनुरुप २०८० साल मंसिर १८ को निर्णायअनुसार धितोपत्र कारोबार स्थगन गरिएको छ,” नेप्सेले तारागाउँलाई पठाएको पत्रमा भनिएको छ ।
पत्र प्राप्त भएको मितिले तीन कार्यदिनभित्र के-कति कारणबाट समयमै जानकारी दिन नसकेको हो सो सम्बन्धमा स्पष्टीकरण पेस गर्नसमेत नेप्सेले निर्देशन दिएको छ ।
तारागाउँ रिजेन्सी होटल्सको शनिबार बसेको सञ्चालक समितिको बैठकले आर्थिक वर्ष २०७९/८० को सेयरधनीलाई १५ प्रतिशत लाभांश दिने घोषणासम्बन्धी निर्णय गरेको थियो । कम्पनीले सो निर्णय आइतबार बेलुका ५:१५ बजेमात्रै जानकारी गराएको नेप्सेले जनाएको छ ।
यो खबर पढेर तपाईलाई कस्तो महसुस भयो ?
ताजा उपडेट
- सहकारी ठगी बाहेकका रवि लामिछानेका मुद्धा सबै अदालतबाट फिर्ता
- रास्वपा महाधिवेशनको असर प्रतिनिधिसभामा, बैठक ११ गतेसम्म स्थगित
- चिडियाखाना अनिश्चितकालका लागि बन्द, यस्तो छ कारण
- राप्रपामा दुर्गा प्रसाईंको तरंग, काठमाडौं जिल्ला समितिमा पहिरो
- आज ह्वात्तै घट्यो सुनको मूल्य, कतिमा हुँदैछ कारोबार ?
- प्रधानमन्त्री बालेनद्वारा मन्त्रिपरिषद् बैठक आव्हान
- फिफा विश्वकपः इरान र न्युजिल्यान्डबीच रोमाञ्चक बराबरी
- प्रतिनिधिसभाको बैठक आज पनि, मन्त्रालयगत बजेटको छलफललाई निरन्तरता दिइने
