काठमाडौँ । काठमाडौँको माइतीघर मण्डला सुनसान छ । जिल्ला प्रशासन कार्यालय काठमाडौँले माइतीघर–नयाँ बानेश्वर क्षेत्र निषेधित घोषणा गरेपछि यहाँ सुनसान छ ।

निषेधित क्षेत्र घोषणाअघि माइतीघर गुलजार हुन्थ्यो । आफ्ना कुरा र माग सुनाउन मानिसहरूले माइतीघरमा धर्ना तथा प्रदर्शन गरिरहेका हुन्थे । 

प्रशासनले निषेधित क्षेत्र तोकेपछि नागरिकहरूले माइतीघरमा बसेर सरकारलाई आफ्ना कुरा सुनाउनबाट बञ्चित भएका छन् ।

माइतीघरमा निषेधित क्षेत्र लेखिएको ब्यानर राखिएको छ । सुरक्षाका लागि केही प्रहरीहरू खटिएका छन् ।

मंसिर ७ गते युवा संघ र मेडिकल व्यवसायी दुर्गा प्रसाईं पक्षले काठमाडौंमा कार्यक्रम गर्ने भएपछि माइतीघर क्षेत्र एक महिनाका लागि निषेधित क्षेत्र तोकिएको हो ।