ऋषभ शेट्टीकाे लेखन, निर्देशन तथा अभिनय रहेकाे कन्नड फिल्म 'कान्तारा' ले बक्स अफिसमा सफलता हासिल गरेको थियो । यो फिल्मले भारतमा मात्र नभई विश्वभरबाट चर्चा कमाएको थियो ।

भारतीय सञ्चारमाध्यम दैनिक जागरणका अनुसार फिल्मले विश्वभरबाट ४५० करोड भारू कमाइ गरेको थियो । अब ऋषभ 'कान्तारा' बनाउने तयारीमा छन् ।

यो फिल्मको प्रिक्वेललाई पर्खिरहेका छन् दर्शक । होम्बले फिल्म्सको यो फिल्म २७ नोभेम्बरबाट छायांकनमा जानेछ ।

यो फिल्मको लागि ठूलो सेट निर्माण गरिएको छ । ऋषभले केही समयअघि फिल्म निर्माण घोषणा गरेका थिए । तर कलाकारबारे जानकारी दिइएको छैन ।

दक्षिण भारतीय फिल्म 'कान्तारा' ले बक्स अफिसमा तहल्का मच्चाएको थियो । फिल्म रिलिजको डेढ महिना हुँदा समेत फिल्मले दर्शकको साथ पाइरहेको थियो । फिल्मले राम्रो कमाइ गर्नुको साथै सकारात्मक समीक्षा पाएको थियो । भारतीय समीक्षकहरूले फिल्मलाई वर्षकै उत्कृष्ट फिल्म बताएका थिए । 
 
'कान्तारा' ले 'केजिएफ' को रेकर्ड तोड्दै कन्नड फिल्ममा सर्वाधिक कमाउने दोस्रो फिल्म बनेको छ ।