काठमाडौं । संवैधानिक परिषद्को बिहीबारको बैठकको निर्णयबाट प्रधानन्यायाधीशमा डा. मनोजकुमार शर्मालाई सिफारिस गरिएपछि त्यसले तरंग ल्याएको छ । विपक्षी दलहरुले उक्त निर्णयमा आपत्ति जनाइरहेका छन् भने वकिलहरुको छाता संस्था नेपाल बार एशोसिएशनको आकस्मिक बैठक आजका लागि डाकिएको छ । 

बारका अध्यक्ष डा। विजय मिश्रका अनुसार बिहीबार बसेको संवैधानिक परिषद् बैठकले चौथो वरीयतामा रहेका सर्वोच्च अदालतका न्यायाधीश शर्मालाई प्रधानन्यायाधीशमा सिफारिस गर्ने निर्णय गरेपछि यसबारे धारणा बनाउन बैठक बस्न लागेको हो । 

बैठकमा बारका सल्लाहकार, संविधानविद्, कानुनविद् र पूर्वपदाधिकारीलाई बोलाइएको छ । उनीहरूले दिएको सुझावपछि बारले धारणा सार्वजनिक गर्ने अध्यक्ष  मिश्रले बताए ।