काठमाडौं । पूर्वप्रधानमन्त्री समेत रहेका नेकपा (एमाले)का अध्यक्ष केपी शर्मा ओलीले दोहोरो सुविधामा लिएको सवारी साधन फिर्ता गरेका छन् । प्रधानमन्त्री कार्यालयले दिएको जानकारी अनुसार ओलीले बुधबार उक्त सुविधाको गाडी फिर्ता गरेका हुन् । 

गृह मन्त्रालयले दोहोरो सुविधामा लिएको गाडी फिर्ता गर्न पत्र पठाएपछि ओलीले बा.१३ च ६४३७ नम्बरको निजी नम्बर प्लेटको गाडी फिर्ता गरेका हुन् ।

प्रधानमन्त्री तथा मन्त्रिपरिषद कार्यालयले पूर्वविशिष्ट पदाधिकारीहरूले प्रयोग गरिरहेको सवारी साधनको यथार्थ विवरण उपलब्ध गराउन गृह मन्त्रालयलाई निर्देशन दिएको थियो ।

गृह मन्त्रालयको आग्रहपछि ओलीले गाडी फिर्ता गरेका हुन् ।