काठमाडौँ । कृषि विकास बैंक लिमिटेडले वार्षिक उत्सवको अवसरमा दुई नयाँ सेवा सञ्चालनमा ल्याएको छ । बैंकले आफ्नो ५७ औँ वार्षिक उत्सवको अवसरमा ओभर ड्राफ्ट डेविट कार्ड र फ्रि कल सेन्टर सुचारु गरेको हो ।

बैंकका सूचना अधिकारी हिमलाल पौडेलले विगतमा वेवसाइटमा नम्बर र मेल उपलब्ध गराएर मात्रै ग्राहकलाई सहजिकरण गरिरहेको बैंकले अब भने छुट्टै कर्मचारी नै तोकेर फ्रि कल सेन्टर सञ्चालनमा ल्याईएको जानकारी दिए ।

यसबाट सेवाग्राहीले कर्जा भुक्तानी, व्याज भुक्तानी, कर्जा नविकरणको समयअवधिलगायतका जिज्ञासाहरुको सुविद्या लिने सकिने छ ।