काठमाडौं ।  निजी क्षेत्रबाट स्थापित नेपालको पहिलो पुनर्बीमा कम्पनी हिमालयन रि इन्स्योरेन्स लिमिटेडलाई भारतको बीमा क्षेत्रको नियामकीय निकाय आईआरडीएआईले एफआरएन नम्बर प्रदान गरेको छ ।  

योसँगै भारतबाट पुनर्बीमा व्यवसाय प्राप्त गर्न बाटो खुलेको कम्पनीले जनाएको छ। हिमालयन रि इन्स्योरेन्स लिमिटेडको निवेदनउपर आईआरडीएआईले यही माघ २ गते स्वीकृति प्रदान गरेको हो ।  

कम्पनीले स्थापनाको छोटो समयमा नै ३१ वटा देशमा व्यवसाय विस्तार गरी दक्षिण एसियाली क्षेत्रको एक उदाउँदो पुनर्बीमा कम्पनीको छवि बनाउन सफल भएको छ ।