बझाङ । यही माघ १ गते बझाङको जयपृथ्वी नगरपालिका–१० सदरमुकाम चैनपुरको मुख्य चोकमा रहेको ४८ वर्ष पुरानो विर व्यासी स्टोर कपडा पसलमा आगलागी भएर ध्वस्त भएको थियो । उक्त पसलका सञ्चालक विरेन्द्र सिंह व्यासी हुन् । उनको पसलसँगै रहेको अर्काे कैलाश फेन्सी स्टोरमा समेत आगलागी भएको थियो । उक्त पसलका सञ्चालक डबल बहादुर खड्का हुन् ।

आगलागीबाट भौतिक संरचना र धनमालको क्षति भएका थियो । सोही आगलागीबाट पिडित भएका व्यापारीलाई उद्योग वाणिज्य संघको कार्य समिति, कर्मचारी र अन्य व्यवसायीहरुबाट रकम संकलन गरेर आर्थिक सहयोग गरेको छ ।      

आज बुधवार आयोजित एक कार्यक्रममा संकलन गरेको सहयोग रकम पिडितहरुलाई हस्तान्तरण गरेको नेपाल उद्योग वाणिज्य सघं, बझाङका सदस्य पवित्र रसाईलीले जानकारी दिए ।  

संघको कार्य समिति, कर्मचारी र अन्य सहयोगीबाट पिडितको राहातका लागि जम्मा भएको  दुई लाख १९ हजार ४५ रुपैयाँबाट विर व्यासी स्टोरलाई २ लाख ३ हजार ४५ रुपैँया र कैलाश फेन्सी स्टोरलाई १६ हजार रुपौँया हस्तान्तरण गरिएको रसाईलीले बताए ।