काठमाडौं । सञ्चार तथा सूचना प्रविधिमन्त्री रेखा शर्माले गुणात्मक शिक्षा र प्रविधिसम्बन्धी शिक्षाका लागि सरकारले सदा सहयोग गर्ने बताएकी छिन् । साथै उनले नेपाल सरकार प्राविधिक क्षेत्रमा जनशक्ति उत्पादन गर्ने विषयमा लागिरहेको बताइन् ।
पुलचोक इन्जिनियरिङ क्याम्पसमा आजदेखि सुरु भएको २०औँ राष्ट्रिय प्राविधिक महोत्सवको उद्घाटन गर्दै मन्त्री शर्माले सूचना र प्रविधिको तीव्र गतिमा विकास भइरहेको हुँदा त्यसको प्रयोग मुलुकको विकासमा लगाउनुपर्नेमा जोड दिएकी छिन् ।
सूचना र प्रविधिको उचित प्रयोगमार्फत मुलुकको विकास गर्न सकिने बताउँदै उनले इन्जिनियरिङ क्षेत्रमा यो क्याम्पस आफैँमा ‘ब्रान्ड’ भएकाले विश्वमा विज्ञता हासिल गरेपछि देशको विकासमा ध्यान दिन आग्रह गरिन् ।
“साइबर सुरक्षा नीति २०८० पारित भएको छ, सूचना र प्रविधिको क्षेत्रमा कतिपय कानुन छैनन”, मन्त्री शर्माले भनिन्, “सरकारले सूचना र प्रविधिको क्षेत्रमा आवश्यक कानुन बनाउने छ, सूचना प्रविधिको विकासले देशलाई आत्मनिर्भर बनाउनुपर्छ ।”
यो खबर पढेर तपाईलाई कस्तो महसुस भयो ?
ताजा उपडेट
- लिपिबद्ध गरिँदै साल्पा–सिलिचुङको मुन्दुमी मिथक
- किरात पहिचानलाई अन्तर्राष्ट्रिय क्षेत्रमा चिनाउने पहिलो पर्यटकीय प्रोडक्ट ‘मुन्दुम ट्रेल’
- किरात सांस्कृतिक सम्पदा साल्पा सिलिचुङ मुन्दुमी आस्थाको केन्द्र
- सानिमा बैंकद्वारा १० लाखको दुर्घटना बिमा रकम हस्तान्तरण
- नेशनल लाईफको घान्द्रुक भ्रमण कार्यक्रम सम्पन्न
- राष्ट्र बैंकले तीन वाणिज्य बैंकलाई गर्यो सम्मान, अन्य को को परे ?
- साकेला के हो ? उभौली–उधौली साकेला किन मनाइन्छ ?
- सबैभन्दा बढी रेमिटेन्स भित्र्याउनेमा आइएमई सम्मानित