हेटौँडा । बागमती प्रदेशबाट राष्ट्रियसभा सदस्य पदका लागि सत्ता गठबन्धनबाट ४ जना उम्मेदवारले आफ्नो मनोनयन दर्ता गरेका छन् । 

सोमबार हेटौंडास्थित निर्वाचन अधिकृतको कार्यालयमा पुगेर सत्ता गठबन्धनबाट नेपाली कांग्रेसका २ जना, नेकपा माओवादी केन्द्रका एकजना र नेकपा एकीकृत समाजवादीबाट एक जनाले मनोनयन दर्ता गरेका हुन् ।

कांग्रेसबाट महिला क्लस्टरमा विष्णु कुमारी पुडासैनी र अन्य क्लस्टरबाट जितजंग बस्नेतले मनोनयन दिएका छन् । माओवादी केन्द्रबाट अपाङ्ग क्लस्टरका श्रीकृष्ण अधिकारी र एकीकृत समाजवादीबाट दलित क्लस्टरका घनश्याम रिजाल विश्वकर्माले मनोनयन दर्ता गरेका छन् ।