काठमाडौं । धनगढीका लागि उडेको श्री एयरलाइन्सको जहाजमा समस्या आएपछि काठमाडौं फकाइएको छ । त्रिभुवन अन्तर्राष्ट्रिय विमानस्थल काठमाडौंबाट उडेको विमानमा प्राविधिक समस्या आएपछि धनगढीमा अवतरण नगर्दै काठमाडौं नै फकाइएको हो ।

उक्त जहाजको ‘इन्डिकेटर’ले प्राविधिक समस्याको सङ्केत गरेपछि विमान काठमाडौँ फर्किको कम्पनीले जनाएको छ । समस्याग्रस्त जहाजमा चालक दलका सदस्यसहित ७६ यात्री थिए । कम्पनीका व्यवस्थापक अनिल मानन्धरले दिएको जानकारी अनुसार प्राविधिक समस्या उत्पन्न भएको विमानका  यात्रीलाई अर्को जहाजको व्यवस्था गरेर  गन्तव्यतर्फ पठाइएको छ । विमानमा ७६ जना यात्रुहरु रहेका थिए ।