काठमाडौं । चलचित्र ‘लालीबजार’को प्रदर्शनमा भएको लफडा हटेको छ । रोशनी नेपाली वादीले चलचित्रको प्रदर्शन रोक्न दायर गरेको रिटको सुनुवाइ गर्दै उच्च अदालत पाटनले अन्तरिम आदेश दिन अस्वीकार गरेसँगै प्रदर्शनको अवरोध हटेको हो । 

अन्तरिम आदेश जारी नहुने भनेको अदालतले अहिलेलाई (अन्तिम फैसला नभएसम्म) माग गरिएको तात्कालिक रोक/निर्देशन दिन अस्वीकार गरेको भन्ने हो । यसको अर्थ हो, अब निर्माताले ‘लालीबजार’लाई प्रदर्शन गर्न सक्नेछन् ।

गत १५ गते अदालतले प्रदर्शन रोक्न आदेश दिएको थियो । अदालतको आदेशपछि १८ गतेबाट प्रदर्शनको तयारीमा रहेको चलचित्रको प्रदर्शन अनिश्चित बनेको थियो ।