काठमाडौं । नेपाल चिकित्सक संघको अध्यक्षमा डा. बद्री रिजाल निर्वाचित भएका छन् । मंगलबार सम्पन्न मतगणना अनुसार डा. रिजाल अध्यक्षमा निर्वाचित भएका हुन् । मतगणना सकिँदा उनको पक्षमा ३ हजार १९६ मत आएको थियो भने उनका निकतम् प्रतिस्पर्धी रहेका डा. मंगल रावलले २ हजार ९४० मत आएको थियो । त्यस्तै अध्यक्षकै अर्का उम्मेदवार डा. नारायणप्रसाद भुसालले ८६९ मत ल्याएका छन् । 

वरिष्ठ उपाध्यक्षमा डा. सञ्जीव तिवारी ३ हजार ३६ मत ल्याएर निर्वाचित भएका छन् । त्यस्तै, वरिष्ठ उपाध्यक्षका उम्मेदावर डा. कीर्तिपाल सुवेदीले २ हजार ३०२ र डा. अजयकुमार मिश्रले १ हजार ४२१ मत पाए । 

महासचिवमा डा. विश्वराज दवाडी २ हजार ७२२ मत ल्याएर निर्वाचित भएका छन् । उनका प्रतिस्पर्धी डा. कालुसिंह खत्रीले २ हजार ४२३ र डा. अमृत भुसालले १ हजार ६४६ मत पाए । 

कोषाध्यक्षमा डा. संयुक्त आचार्य ३ हजार १८६ मत ल्याएर विजयी हुँदा उनका प्रतिस्पर्धी डा. चाँदनी जैसवालले २ हजार ९९ र डा. विनोदकुमार महासेठले ९७४ मत पाएका छन् । 

१९ सदस्यीय कार्यसमितिमा अधिकांश पदमा डा. रिजालकै उम्मेदवार निर्वाचित भएका छन् । वरिष्ठ उपाध्यक्ष, महासचिव र कोषाध्यक्षमा डा. रिजालकै प्यानलका उम्मेदवार निर्वाचित भएका हुन् ।