झरीको कारणले बीपी राजमार्ग पूर्ण रुपमा बन्द

खबरमुकाम
२०८३, वैशाख २१ सोमबार

काठमाडौं । अविरल वर्षाको कारण बीपी राजमार्गको आवागमन पूर्ण रुपमा बन्द भएको छ । आज दिउँसोदेखि लगातार ठूलो पानी पर्न थालेपछि आउन सक्ने सम्भावित जोखिमलाई मध्यनजर गरेर राजमार्गको आवागमन बन्द गरिएको हो ।

जिल्ला प्रहरी कार्यालय, काभ्रेका अनुसार जिल्लाका विभिन्न स्थानमा दिउँसोदेखि अत्यधिक वर्षा भइरहेको छ ।

प्रतिकूल मौसमका कारण बीपी राजमार्गमा आवागमन गर्न जोखिमपूर्ण भएको प्रहरीको भनाइ छ । त्यसैले मौसम सुधान भएसम्मका लागि सवारी साधान आवागमन बन्द गरिएको प्रहरीले जनाएको छ ।