काठमाडौं । नेकपा (एमाले)का अध्यक्ष केपी शर्मा ओलीमाथि धनकुटामा आक्रमणको भएको छ । बिहीबार मध्याह्न करिब १२ बजेतिर अध्यक्ष ओलीमाथि लेगुवा भन्ने ठाउँमा आक्रमण भएको हो ।

स्वागत गर्न भन्दै फूलमालासहित लाइनमा बसेका एक व्यक्तिले ओलीमाथि आक्रमण गरेका थिए । ओलीमाथि हातपात गर्नेलाई प्रहरीले नियन्त्रणमा लिएको छ।

कार्यक्रमा स्वागतका लागि लाइनमा बसेका महेश राईले अध्यक्ष ओलीमाथि आक्रमण गरेका हुन् । ओलीमाथि आक्रमण गर्न लागेको देखेपछि सुरक्षाकर्मीले राईको एउटा हात समाएका थिए ।

धनकुटाका प्रमुख जिल्ला अधिकारी पुण्यविक्रम पौडेलका अनुसार ती व्यक्तिले मादक पदार्थ सेवन गरेको पाइएको छ। ‘उसको व्यवहार शंकास्पद देखिएपछि नियन्त्रणमा लिइएको छ । उनले भने। ओली मध्यपहाडी लोकमार्गकेन्द्रित पूर्वपश्चिम अभियानका क्रममा धनकुटा पुगेका थिए।

कोशी प्रदेश प्रहरी प्रमुख डिआइजी राजेशनाथ बास्तोलाका अनुसार मादक पदार्थ सेवन गरेका व्यक्तिले ओलीमाथि हात उठाएका थिए ।