काठमाडौँ । वौदिका इंक प्रालि अन्तर्गत सञ्चालित जिम्बु थकाली गत वर्षको उत्कृष्ट करदाताको सूचीमा समेटिएको छ । आन्तरिक राजस्व विभागको टंगाल कार्यक्षेत्रमा सबैभन्दा बढी कर जिम्बु थकालीले तिरेको हो ।

१२औं कर दिवसको अवसरमा आन्तरिक राजस्व विभागले उत्कृष्ट करदाताको रूपमा सम्मान गरेको छ । आन्तरिक राजस्व कार्यालय टंगालकी कर अधिकृत कमला खरेलले सेवा क्षेत्रमा सबैभन्दा बढी आयकर दाखिला गरेको भन्दै जिम्बु थकालीलाई सम्मान गरेकी हुन् ।

जिम्बु थकालीको तर्फबाट प्रभा शेरचनले सम्मान लिएका छन् ।

वौदिका इंक प्रालि अन्तर्गत जिम्बु थकाली ब्रान्डका ३ वटा रेस्टुरेन्ट सञ्चालनमा छन् । टंगाल, झम्सिखेल र बानेश्वरमा रेस्टुरेन्ट सञ्चालन गरिरहेको छ। हाल सञ्चालनमा रहेका ३ वटा रेस्टुरेन्टमा १४० जनाले रोजगारी पाइरहेका छन् ।

आन्तरिक राजस्व विभागले केन्द्रमा विभिन्न १६ विधामा सबैभन्दा बढी कर तिर्ने करदातालाई सम्मान गरेको थियो । त्यस्तै विभाग अन्तर्गतका कार्यालयहरूले सम्बन्धित क्षेत्रमा सबैभन्दा बढी कर तिर्ने एकरएक करदातालाई सम्मान गरेका छन् । यसले करदाताको मनोबल बढाउन सहयोग पुग्ने व्यवसायीहरूले बताएका छन् ।