ट्रेन्डिङ
खबरमुकाम
काठमाडौँ । सरकारले भूकम्पपीडितका टहरा निर्माणका लागि पाँच जिल्लामा पैसा पठाएको छ ।
राष्ट्रिय विपद् जोखिम न्यूनिकरण तथा व्यवस्थापन प्राधिकरणले भूकम्प प्रभावित परिवारको अस्थायी आवास निर्माणका लागि पहिलो किस्ताको रकम निकासा गरेको हो ।
जाजरकोट, रूकुम पश्चिम, बझाङ, बाजुरा र सल्यान जिल्ला प्रशासन कार्यालयमा पैसा पठाइएको हो । जाजरकोट र पश्चिम रुकुमका लागि ५०(५० करोड रुपैयाँ पठाइएको छ । बझाङका लागि २५ करोड, बाजुराका लागि १४ करोड र सल्यानका लागि दुई करोड गरी जम्मा एक अर्ब ४१ करोड निकासा भएको हो। प्राधिकरणले निकासाबारेको बोधार्थ गृह मन्त्रालयमा पठाएको छ ।
भूकम्पबाट प्रभावित परिवारलाई अस्थायी आवास निर्माण अनुदान दिने कार्यविधि २०८० हालै जारी भएको थियो । भूकम्प पीडित प्रति परिवारलाई अस्थायी आवास बनाउन पहिलो किस्तामा २५ हजार र दोस्रो किस्तामा २५ हजार गरी कूल ५० हजार रुपैयाँ दिने सरकारले निर्णय गरेको थियो ।
गृह मन्त्रालयले सम्बन्धित जिल्ला प्रशासन कार्यालयहरूलाई तत्काल स्थानीय तहमा रकम पठाउन निर्देशनसमेत दिएको छ । भूकम्प प्रभावितले स्थानीय तहमा गएर अनुसूची अनुसारको निवेदन दिएलगत्तै पहिलो किस्ता २५ हजार रुपैयाँ पाउनेछन् । साथै अस्थायी आवास निर्माण सम्पन्न भएपछि दोस्रो किस्ता २५ हजार रुपैयाँ निकासा हुनेछ । गत कात्तिक १७ गतेको भूकम्पले जाजरकोटलगायत जिल्लामा जनधनको क्षति भएको थियो ।
यो खबर पढेर तपाईलाई कस्तो महसुस भयो ?
ताजा उपडेट
- पछिल्ला नौ वर्षमा चितवन राष्ट्रिय निकुञ्जमा २०४ वटा गैँडाको मृत्यु
- पर्यटन प्रवर्द्घनका लागि मङ्सिर १५ र १६ गते इच्छाकामना मेला हुने
- जाजरकोटमा भूकम्पपछि पालमुनि बस्दै आएकी ३ वर्षीया भूकम्पपीडित बालिकाको मृत्यु
- निर्देशक दीपेन्द्र लामा दयाहाङ राईलाई लिएर नयाँ फिल्म ‘दुखी आत्मा’ बनाउँदै
- एमालेको ‘झुलाघाटदेखि चिवाभञ्ज्याङसम्म समृद्घिका लागि संकल्प यात्रा’ अभियान आजदेखि सुरू
- रास्वपामा थप आकर्षण बढाउन लामिछानेले ल्याए यस्ता दुई अवधारणा...!
- गाजामा निरन्तर खाद्यान्न आपूर्ति नगरे भोकमरीको जोखिममा रहने डब्लूएफपीको चेतावनी
- सुनको मूल्य बढ्ने क्रम रोकिएनः तोलाकै १ लाख २५ हजार नाघ्ने अनुमान
