आजबाट खुलेको युनिक नेपाल लघुवित्तको एफपीओमा कतिको लगानि गर्ने?

खबरमुकाम
२०८० जेठ ११ बिहीबार

खबरमुकाम । आज जेठ ११ गते बिहीबारदेखि युनिक नेपाल लघुवित्त वित्तीय संस्था लिमिटेडले थप सार्वजनिक निष्कानस (एफपीओ) निष्काशन गरेको छ। जसको बिक्री प्रबन्धक मुक्तिनाथ क्यापिटल लिमिटेड रहेको छ।

उक्त एफपीओमा न्यूनतम १० देखि अधिकतम १०० कित्ताका लागि आवेदन दिन सकिनेछ। लघुवित्तले ३ करोड ७९ लाख ४२ हजार ५०० रुपैयाँ बराबरको प्रतिशेयर १०० अंकित मूल्यका ३ लाख ७९ हजार ४२५ कित्ता साधारण सेयर एफपीओमार्फत निष्काशन गरेको हो। एफपीओ छिटोमा जेठ १६ गते र ढिलोमा खुल्नेछ।

त्यस्तै, लगानीकर्ताले सि-आस्बा सेवा प्राप्त बैंक तथा वित्तीय संस्थाहरु तथा सिडिएस एण्ड क्लियरिङ्ग लिमिटेडबाट निर्माण गरिएको अनलाईन सफ्वेयर ‘मेरो शेयर’ प्रणाली मार्फत आवेदन दिन सक्नेछन्। साथै, उक्त कम्पनीलाई केयर रेटिङ्ग नेपालले केयर एनपी बी प्लस इस्यूअर रेटिङ्ग प्रदान गरेको छ। जसले कम्पनीको दायित्व बहन गर्ने क्षमतामा उच्च जोखिम रहेको संकेत गर्दछ।

युनिक नेपाल लघुवित्त र घोडीघोडा लघुवित्त मर्ज भई बनेको उक्त लघुवित्तमा संस्थापक सेयर ९४.०१ प्रतिशत र सर्वसाधारण सेयर ५.९९ प्रतिशत भएकोले बैंक तथा वित्तीय संस्था सम्बन्धी ऐन, २०७३ र नेपाल राष्ट्र बैंकले एक आपसमा गाभ्ने गाभिनेका लागि अन्तिम स्वीकृति पत्र प्रदान गर्दा दिएको निर्देशनपछि संस्थाले एफपीओ निष्काशन गर्न लागेको हो। हाल लघुवित्तको चुक्ता पूँजी ११ करोड ६ लाख ३२ हजार ५०० रुपैयाँ रहेको छ। एफपीओ बाँडफाँट पश्चात लघुवित्तको चुक्ता पूँजी १४ करोड ८५ लाख ७५ हजार रुपैयाँ पुग्नेछ। जसमा संस्थापक समूहको सेयर स्वामित्व ७० प्रतिशत रहनेछ भने सर्वसाधारणको ३० प्रतिशत रहने जनाइएको छ।