विभिन्न ठाउँहरुमा आगलागीबाट धनमाल जलेर नष्ट

खबरमुकाम
२०८० जेठ ११ बिहीबार

खबरमुकाम । बुधबार दिउँसो कैलाली, धनगढी उपमहानगरपालिका-१३ राजपुरस्थित हाइवे कटेजमा करेन्ट सर्ट भई आगलागी भएको हो। सोही उपमहानगरपालिका-२ बस्ने ३३ वर्षीय शुशिल कुँवरको उक्त कटेज पूर्णरूपमा जलेर करिब २० लाख रूपैयाँ बराबरको धनमाल नष्ट भएको छ।

त्यस्तै, बाँके, राप्तीसोनारी गाउँपालिका-२ शम्सेरगंज बस्ने ४९ वर्षीय हर्क बहादुर बिकले मादक पदार्थ सेवन गरी आफ्नै घरमा बुधबार राति आगजनी गर्दा घर पूर्ण रूपमा जलेर करिब ४ लाख रूपैयाँ बराबरको धनमाल नष्ट भएको छ। आगजनी गर्ने बिकलाई प्रहरीले नियन्त्रणमा लिएको जनाइएको छ।