एसीसी कपको उपाधि नेपाललाई, एसिया कपमा छनोट

खबरमुकाम
२०८० वैशाख १९ मंगलबार

खबरमुकाम । घरेलु टोली नेपालले एसीसी प्रिमियर कपको उपाधि जितेको छ । कीर्तिपुरस्थित त्रिवि क्रिकेट मैदानमा यूएईलाई ७ विकेटले पराजित गर्दै नेपालले उपाधि जितेको हो ।

यससँगै नेपाल एसिया कपमा छनोट भएको छ । यूएईले दिएको ११७ रनको लक्ष्य नेपालले ३०.३ ओभरमा पुरा गरेको थियो । नेपालका लागि गुल्शन झा र भीम सार्कीले उत्कृष्ट साझेदारी गरे ।

२२ रनमै तेस्रो विकेट गुमाएको अवस्थाबाट उकास्दै उनीहरुले नेपाललाई जितसम्म पुर्याए । गुल्शनले यूएईविरुद्ध दोस्रो अर्धशतक बनाएका छन् । अब नेपालले यसै वर्ष पाकिस्तानमा हुने एसिया कप खेल्ने छ ।