ट्रेन्डिङ
.jpg)
खबर मुकाम
खबरमुकाम । निर्वाचन आचारसंहिता उल्लंघन गरेको आरोपमा एमालेले बुधबार सत्तारुढ दल कांग्रेसविरुद्ध निर्वाचन आयोगमा उजुरी दर्ता गराएको छ ।
शुक्रबार हुने हुने उपराष्ट्रपतिको निर्वाचनको लागि मंगलबार राति १२ बजेदेखि शून्य अवधि लागूको अवस्थामा कांग्रेसले त्यसलाई उल्लंघन गरेको भन्दै एमालेले निर्वाचन आयोगमा उजुरी दिएको हो।
कांग्रेसको त्यस्तो कदमले निर्वाचनको निष्पक्षतामाथि गम्भीर प्रश्न उठेकाले आयोगमा उजुरी दर्ता गराएको संसदीय दलका सचेतक महेश बर्तौलाले विज्ञप्तिमार्फत जनाएका छन् ।
कांग्रेसको बुधबार बसेको कार्य सम्पादन समितिको बैठकले उपराष्ट्रपतिमा जसपाका रामसहाय प्रसाद यादवलाई भोट दिने निर्णय गरेको छ। उक्त निर्णय आचार संहिताविपरीत रहेको भन्दै आफूहरुले आयोगमा उजुरी दिएको एमाले सचेतक बर्तौलाले विज्ञप्तिमार्फत जनाएका छन् ।
‘शुन्य समय प्रारम्भ भैसकेको अवस्थामा आज नेपाली कांग्रेसले गरेको निर्णय निर्वाचन आचारसंहिता विपरित छ। त्यसका विरुद्ध हामीले आयोगमा उजुरी दिएका छौँ,’ बर्तौंलाले भनेका छन् ।
जनता समाजवादी पार्टी (जसपा) नेपालका यादव सत्ता गठबन्धन का उपराष्ट्रपति उम्मेदवार हुन्। यता, एमालेले अष्टलक्ष्मी शाक्यलाई उम्मेदवार बनाएको छ
।
यो खबर पढेर तपाईलाई कस्तो महसुस भयो ?
ताजा उपडेट
- पाकिस्तानमा पिठोको मूल्य १२० प्रतिशत र प्याज २२८ प्रतिशतले बढ्यो
- काठमाडौंमा मेयर साहविरुद्ध प्रर्दशन
- प्रचण्ड, देउवा र नेपालबीच मन्त्रिपरिषदलाई पूर्णता दिनेबारे छलफल
- घट्यो सुन–चाँदीको मूल्य
- मन्त्री र उम्मेदवार छान्न भोलि कांग्रेसको केन्द्रीय कार्यसम्पादन समिति बैठक बस्दै
- थ्री पिस सुट र छालाको सुटमै ४१०० मीटरको हिमाल चढे एक जापानी सुचिकार
- यी स्थानमा चट्याङ्ग सहित हल्का वर्षा हुने
- लक्जमबर्गको पोस्टमा पोर्चुगलको आधा दर्जन गोल
