नवनिर्वाचित राष्ट्रपति पौडेलले गरे पशुपतिनाथको दर्शन

खबर मुकाम
२०७९ फागुन २६ शुक्रबार

खबरमुकाम । नवनिर्वाचित राष्ट्रपति रामचन्द्र पौडेलले पशुपतिनाथ मन्दिरमा दर्शन तथा पूजाआजा गरेका छन् । पौडेलले शुक्रबार बिहान पशुपतिनाथ मन्दिर पुगी पूजाआजा गरेर प्रसाद ग्रहण गरेका हुन् ।

यसअघि नवनिर्वाचित राष्ट्रपति पौडेलले गुह्यश्वरी मन्दिरमा पूजा गरेका थिए । पूजा सकेर उनी आजै सुन्दरीजलस्थित बिपी संग्रहालय जाने कार्यक्रम छ । त्यहाँ पौडेलको प्रथम जननिर्वाचित प्रधानमन्त्री एवं नेपाली कांग्रेसका संस्थापक बिपी कोइरालालगायत नेताकोे शालिकमा माला अर्पन गर्ने तथा संग्रहालयको अवलोकन गर्नेछन्।

त्यस पछि उहाँ आजै दर्शन तथा पूजाआजाका लागि स्वयम्भूनाथ जाने कार्यक्रम छ । पूर्वसभामुख रहेका उनले आफ्ना प्रतिस्पर्धी सुवासचन्द्र नेम्वाङलाई दोब्बर बढी मतले पराजित गर्दै बिहीबार मुलुकको तेस्रो राष्ट्रपति पदमा निर्वाचित भएका थिए ।