४ बजेलाई सारियो सुदूरपश्चिममा प्रदेशसभा बैठक

खबर मुकाम
२०७९ माघ २६ बिहीबार

काठमाडौं। सुदूरपश्चिम प्रदेशसभाको बैठक बिहीवार दिउँसो ४ बजेलाई सारिएको छ । विपक्षी दललेविरोध गरेपछि दिउँसो १ बजेलाई बोलाइएको बैठक दिउँसो ४ बजेका लागि सारिएको प्रदेशससभा सचिवालयले जनाएको छ ।

प्रदेशसभा बैठकमा आज मुख्यमन्त्री राजेन्द्र रावलले विश्वासको मत लिने कार्य योजना रहेको छ । तर, हालसम्म पनि मुख्यमन्त्रीको पक्षमा सदनको बहुमत जुट्न सकेको छैन । बहुमतका लागि निर्णायक मानिएको ७ प्रदेशसभा सदस्य रहेको दल नागरिक उन्मुक्ति पार्टीले विश्वासको मत नदिने अडानबाट डगमगाएको छैन ।

तर, सहमतिको सम्भावना खोजीका लागि सभामुखले बैठक सारेका हुन् । मुख्यमन्त्री रावलले बिहीवार विश्वासको मत लिनैपर्ने संवैधानिक बाध्यता छ । उनले विश्वासको मत लिन नसकेमा स्वतः पदमुक्त हुन्छन् ।

सभामुखले बैठक सारेको भन्दै प्रमुख विपक्षी दल नेपाली कांग्रेसले भने विरोध जनाएको छ ।