चुनावमा समाजवादी र कांग्रेसलाई जिताउन भूमिका खेलेको भन्दै रावलमाथि कारबाहीको माग

खबर मुकाम
२०७९ माघ ०८ आइतबार

खबरमुकाम । राष्ट्रिय युवा संघ नेपालले नेकपा एमालेका नेता भीम रावलमाथि कारबाही गर्न माग गरेको छ ।

आइतबार धनगढीमा भएको राष्ट्रिय युवा संघ सुदूरपश्चिमको दोस्रो पूर्ण बैठक र शपथ ग्रहण कार्यक्रममा अछाम जिल्ला कमिटी अध्यक्ष हेमन्त बिसीले नेता रावलले पार्टीलाई चुनाव हराउन भूमिका खेलेको भन्दै कारबाही गर्न माग गरेका हुन् ।

बिसीले रावलकै कारण अछाममा संगठन छिन्नभिन्न हुने अवस्थामा पुगेको आरोप समेत लगाए । ‘अछामबाट भीम रावललाई हामीले कति पटक भोट हालेर जितायौँ, उनले भने, ‘पार्टीको उपाध्यक्ष बनाउँदै राष्ट्रिय स्तरको राजनीतिमा स्थापित गर्‍यौँ । तर चुनावमा रावलले समाजवादी र कांग्रेसलाई जिताउन भूमिका खेल्नुभयो । उहाँलाई कारबाही गरिनुपर्छ ।’