Dark

 ‘म मन्त्री हुने भएँ भन्दा बुबालाई सपना हो कि विपना भयो’

खबरमुकाम । सुदनले आफू संस्कृति, पर्यटन तथा नागरिक उड्ड्ययनमन्त्री बन्न लागेको कुरा आफ्ना बुबा (हर्कबहादुर राई)लाई सुनाए । उनले भने,‘बुवा म मन्त्री हुने भएँ ।’

छोराको कुरा सुनेपछि पक्षघातले थलिएर अस्पतालको बेडमा रहेका उनका बुबा हर्कबहादुरले भने,‘हँ, होइन कुन मन्त्री ? राम राम राम साँच्चै हो ? होइन यो सपना हो कि विपना हो ?’

बुबाको जिज्ञासामा सुदनले पुनः थपे, ‘पहिलो त तपाईंहरूले जन्माउनुभयो, दोस्रो त मैले राजनीतिमा दुःख गरें, जनताले माया र भरोसा दिए । पार्टीले पनि विश्वास गर्‍यो ।’

बुवाले फेरि छक्क पर्न छाडेनन्, ‘उहिले फकल्यान्डको लडाइँमा मरेको भए यसरी तँ मन्त्री बनेको कहाँ देख्न पाउँथे र ? पाउने थिइनँ ।’

सुदनले आफू पनि युद्धकालमा मरेको भए माओवादीको शहीद भइसक्ने, तर बाँचेको हुँदा राज्यको महत्वपूर्ण जिम्मा पाएको सुनाए । बुवाले भने, ‘हाम्रो वंशमा कोही पनि वडाध्यक्षसम्म पनि भएनौं । अब राम्रो काम गर ।’

सुदनले बुबासँग आफू धेरै मेहेनेती बनेर काम गर्ने बचन दिए । पहिल्यै बितेकी आमा सम्झेर उनले भने,‘आज उहाँ पनि हामीसँगै भएको भए ।’

बुवा हर्कबहादुर ले भने, ‘तेरो आमा पितृको देश गइसक्यो । पछि म गएपछि सुनाइदिउँला, तँ मन्त्री बनिस् भनेर ।’

त्यसपछि रुवावासी चल्यो । हर्षको, भावुकताको, भन्नै नसकिने खालको दुःखको । अनि सुखको ।

भोजपुुरमा प्रदेश नम्बर १ का पूर्वमूख्यमन्त्री शेरधन राई हराएर प्रतिनिधि सभा निर्वाचित भएको सुदनलाई माओवादी केन्द्रले पहिलोपल्ट मन्त्री बनाएको छ । 

 ‘बुवा मलाई जेलमा भेट्न आउनुहुँदा पनि रुनु भएको थियो । आज पनि रुनुभयो । तर आँसुको मुहान र भाव भने फरक’–सुदनले फेसबुकमा लेखेका छन् ।

यो खबर पढेर तपाईलाई कस्तो महसुस भयो ?

Love
100 %
WOW
0 %
 Like
0 %
Laugh
0 %
Sad
0 %
Angry
0 %

छुटाउनुभयो कि?

सबै