निर्वाचनको अन्तिम नतिजा सार्वजनिक गर्दै आयोग

खबर मुकाम
२०७९ मंसिर २८ बुधबार

खबरमुकाम। निर्वाचन आयोगले प्रदेश सभा र प्रतिनिधि सभा सदस्य निर्वाचनको अन्तिम नतिजा आज सार्वजनिक गर्दैछ। नतिजा सार्वजनिक गर्न आयोगले आज दिउँसो १ बजे पत्रकार सम्मेलन आयोजना गरेको छ।

आज नतिजा सार्वजनिक गरेपछि भोलि समानुपातिकतर्फ निर्वाचित प्रतिनिधिसभा र प्रदेशसभा सदस्यलाई प्रमाणपत्र वितरण गर्ने आयोगले जनाएको छ।

यसपटकको निर्वाचनबाट प्रतिनिधि सभामा ११ दलका सांसदहरु रहने छन्। तर राष्ट्रिय दलको मान्यता भने ७ वटा पार्टीले मात्र पाएका छन् ।

प्रतिनिधि सभामा समानुपातिकबाट एमालेले ३४, कांग्रेसले ३२, माओवादिले १४, राष्ट्रिय स्वतन्त्र पार्टीले १३, राप्रपाले ७,जसपाले ५ तथा जनमत पार्टीले ५ जितेको छ।

प्रत्यक्षमा १० सिट जितेको एकीकृत समाजवादी, ४ सिट जितेको लोसपा र १ सिट जितेको राष्ट्रिय जनमोर्चाले थ्रेसहोल्ड नकटाएकाले समानुपातिकबाट एक सिट पनि पाएनन्।