बागमतीको बजेट १३ अर्बले बढ्यो, ७० अर्ब ९३ करोड विनियोजन

खबर मुकाम
२०७९ असार ०१ बुधबार

खबरमुकाम। बागमती प्रदेश सरकारले आगामी आर्थिक २०७९/८० को लागि ७० अर्ब ९३ करोड ९३ लाख रुपैयाँको बजेट ल्याएको छ। यो बजेट अहिलेसम्म सार्वजनिक भएको प्रदेश सरकारको बजेटमा सबैभन्दा ठूलो आकारको बजेट हो। ।

आर्थिक मामिला तथा योजना मन्त्री शालिकराम जमकट्टेलले नयाँ बजेटमा चालू खर्चतर्फ १९ अर्ब २ करोड ४१ लाख बजेट, पूँजीगत ४१ अर्ब ५६ करोड २४ लाख बजेट छुट्टाइएको छ ।

यस्तै वित्तीय हस्तान्तरणतर्फ ८ अर्ब ३५ करोड ३७ लाख रुपैयाँ बजेट र वित्तीय व्यवस्थातर्फ २ अर्ब बजेट व्यवस्थापन गरिएको हो ।

चालू आवमा सो प्रदेश सरकारले ५७ अर्ब ७२ करोडको बजेट ल्याएको थियो भने चालू आवको भन्दा १३ अर्ब धेरैको नयाँ बजेट ल्याएको हो ।