उदयपुरको त्रियुगा नगरपालिका प्रमुखमा कांग्रेसका उम्मेदवार निर्वाचित

खबरमुकाम
२०७९ जेठ १६ सोमबार

खबरमुकाम । उदयपुरको त्रियुगा नगरपालिका प्रमुखमा नेपाली कांग्रेसका उम्मेदवार वसन्त बस्नेत निर्वाचित भएका छन् । बस्नेत १३ हजार ९५९ मत प्राप्त गरी नगर प्रमुखमा निर्वािचत भएका हुन् । बस्नेतका निकटतम् प्रतिद्वन्द्वी नेकपा एमालेका भागवत राउतले ११ हजार ८७३ मत प्राप्त गरेका छन् ।

त्यसैगरी, उपप्रमुखमा नेकपा एमालेकी उम्मेदवार महेश्वरी राई निर्वािचत भएकी छन् । उपप्रमुखमा एमालेकी राईले १३ हजार ७०३ मत प्राप्त गरेकी छन् । उनकाे निकटतम प्रतिद्वन्द्वी कांग्रेसकी सरिता राईले ११ हजार ९८१ मत पाइन् ।

१६ वटा वडा रहेको त्रियुगामा कूल ४० हजार १३७ मत खसेकाे थियाे । नगरमा कांग्रेसले ९ वटा वडा, एमालेले ४ वटा र माओवादी केन्द्रले ३ वडामा वडाध्यक्ष जितेको छ ।