कर्णालीका प्रदेशको विकासका लागि ६ वटा ‘ब’आवश्यक

कर्णालीका प्रदेशको विकासका लागि ६ वटा ‘ब’आवश्यक– मुख्यमन्त्री शाही

खबरमुकाम
२०७८ चैत २० आइतबार

खबरमुकाम। कर्णालीका मुख्यमन्त्री जीवनबहादुर शाहीले प्रदेशको विकासका लागि ६ वटा ‘ब’लाई ध्यान आवश्यक रहेको बताएका छन् ।

‘समृद्ध कर्णाली विकासका ५ वर्ष’ विषयक बहस कार्यक्रमलाई सम्बोधन गर्दै उनले कर्णालीको समृद्धि र विकास भएको हेर्न चाहने हो भने राज्यका सबै निकायले ६ वटा ‘ब’ लाई ध्यान दिनुपर्नेमा जोड दिएका छन् ।

मुख्यमन्त्री शाहीले सङ्घीय सरकारले गरिबी, भोक, रोग र पिछडिएको उपमा दिएको कर्णालीको मुहार फेर्नका लागि ६ वटा ब (बाटो, बिजुली, बिचार, वन, बजार र व्यवस्थापन) लाई ध्यान दिन आवश्यक रहेको बताए । ‘यहाँका सबै बस्तीमा यी ६ ‘ब’ लाई अबलम्वन गर्न नसकेकै कारण कर्णालीको विकास हुन नसकेको हो’, उनले भने, ‘यदी कर्णालीका सबै बस्तीमा छ ‘ब’ को अबधारण पु¥याउने हो भने प्राकृतिक श्रोत साधनले भरिपूर्ण कर्णालीको मुहार फेर्न कसैको मुख ताक्नु पर्ने अवस्था आउँदैन ।’

मुख्यमन्त्री शाहीले कर्णालीमा हुने सबै खाले नराम्रा कामको दोष आफू लिने र प्रदेशमा बनेका बाटो, बिजुुली, सिँचाइ, सडक, भवन, सरसफाइ लगायतका नयाँ र राम्रा कार्य भए त्यसको जस जनतालाई दिने बताए । उनले कर्णालीको समृद्धि र विकासका लागि सबैले सकारात्मक रुपमा अगाडि बढ्नुपर्ने बताए ।