Dark

साढे ११ करोड लागतमा काष्ठमण्डपको पुनर्निर्माण सम्पन्न

खबरमुकाम । काष्ठमण्डप पुनर्निर्माण समितिले शुक्रबार पत्रकार सम्मेलन गर्दै ऐतिहासिक तथा पुरातात्विक काष्ठमण्डपको पुनर्निर्माण सकिएको घोषण गरेको हो । 

स्थानीयबासीले भने फिनिसिङको काम अझै सकिन बाँकी भएको दावी गरेका छन् । विसं २०७२ सालको भूकम्पमा क्षतिग्रस्त भएको काष्ठमण्डप देशका विभिन्न स्थानहरुबाट ल्याइएका काठहरुबाट बनाइएको हो । समितिका अध्यक्ष तथा बाग्मती प्रदेशका सांसद राजेश शाक्यले अब चाँडै नै काष्ठमण्डपको उद्घाटन गर्ने मिति सार्वजनिक गर्ने बताए । साथै, उनले एउटै रुखबाट काष्ठमण्डप बनाउने कुरा सम्भव नभएको बताए । 

‘सबै काम सकिएको छ, पहिलेको बार मात्रै राख्न बाँकी छ, अब हामी यसको उद्घाटको पनि मिति तोक्छौं,’ उनले भने,’समुदायसँग मिलेर काष्ठमण्डप बनायौं, गारोमा थप थाम राखिएकोले सबल छ, नेपालको पाराविधिले यो बनाउन सकेको ठूलो उदाहरण हो ।’ उनले चीन, कोरिया, जापानले मात्रै यस्तो संरचना बनाउन सक्छ भन्ने दावीलाई चिर्दै काम भएको बताए ।

त्यस्तै, अध्यक्ष शाक्यले पुनर्निर्माणका क्रममा काष्ठमण्डपमा अहिले काठबाहेक ढुङ्गा, माटो, इँटा, तामा लगायतका सामग्रीको प्रयोग गरिएको बताए । उनले काष्ठमण्डपको बीचमा गोरखनाथको प्रस्तर मूर्ति नयाँ निर्माण गरिएको पनि जानकारी दिए ।

उपभोक्ता समितिमार्फत स्थानीयले काम गराउन माग गरेपछि काष्ठमण्डपको पुनर्निर्माण समिति बनाएर काम शुरु भएको थियो ।  काठमाडौं महानगरपालिकाले बनाउन जिम्मा लिएपनि ठेकदारमार्फत बनाउन खोजिएपछि विवाद भएको थियो । यसैगरी, शाक्यका अनुसार काष्ठमण्डप पुनर्निर्माणका लागि विभिन्न निकायबाट ११ करोड ५० लाख अनुदान प्राप्त भएकोमा करिब ११ करोड ३९ लाख खर्च भएको जनाइएको छ ।

यो खबर पढेर तपाईलाई कस्तो महसुस भयो ?

Love
0 %
WOW
0 %
 Like
0 %
Laugh
0 %
Sad
0 %
Angry
0 %

छुटाउनुभयो कि?

सबै