Dark

भ्रष्टाचारले प्रदेशको बदनाम भयो, सुशासन कायम गर्छु– शत्रुधन महतो 

खबरमुकाम । नेकपा एकीकृत समाजवादीबाट मन्त्री बनेका २ जनाले प्रदेश २ सरकारमा कार्यभार सम्हाल्ने भएका छन् ।

सपथ लिएलगत्तै उद्योग, पर्यटन, वन तथा वातावरण मन्त्री शत्रुधन महतो र कानून, न्याय तथा प्रदेश मामिला मन्त्री प्रमोद यादवले जनकपुरको मधेस भवनस्थित मन्त्रालय पुगेर जिम्मेवारी सम्हालेका हुन् ।

मन्त्री यादवले प्रमाणिकरण भइसकेको पदकसम्बन्धी ऐन राजपत्रमा प्रकाशित गर्नेबारेको फाइलमा हस्ताक्षर गरे ।

यस्तै मन्त्री महतोले चुरे संरक्षणलाई पहिलो प्राथमिकता दिने बताए । भ्रष्टाचारलगायतका कुराले प्रदेश बदनाम भइरहेको भन्दै सुशासन कायम गर्ने उनको जिकिर छ ।

प्रदेशको राजधानी र नाम टुंगो लगाउने काम गर्ने महतोले प्रतिबद्धता जनाए । पदभार ग्रहण गरेपछि पार्टी कार्यालय पुगेका मन्त्रीद्वयलाई नेकपा एसका नेता पूर्वमन्त्रीद्वय धर्मनाथ साह, रामचन्द्र झालगायतले बधाई दिएका थिए ।

यो खबर पढेर तपाईलाई कस्तो महसुस भयो ?

Love
0 %
WOW
0 %
 Like
0 %
Laugh
0 %
Sad
0 %
Angry
0 %

छुटाउनुभयो कि?

सबै