Dark

सिद्धबाबाको डाँडाँ काटिंदैन:उप–प्रधानमन्त्री पौडेल

काठमाडौं । उप–प्रधानमन्त्री तथा अर्थमन्त्री विष्णुप्रसाद पौडेलले सिद्धबाबाको डाँडाँ नकाटिने बताएका छन् ।

बुधबार नेपाल वातावरण पत्रकार समूहले ढुंगा, गिट्टी र वालुवाको निर्यात गर्ने नीति कति जायज भन्ने विषयमा गरेको बहस कार्यक्रममा बोल्दै उपप्रधानमन्त्री तथा अर्थमन्त्री विष्णुप्रसाद पौडेलले सिद्धबाबाको डाँडाँ नकाटिने स्पष्ट पारेका हुन् । 

सिद्धबाबाको डाँडाँ काटेर त्यहाँको यात्रालाई सहज बनाउन आफूलाई सुझाव आएको भए पनि आफूले त्यसको विरोध गरेर चुरे संरक्षणको महत्वलाई स्थापित गर्न पहल गरेको उनको भनाई छ  ।

चुरेको दोहन र उत्खनन्बाट बचाउन र यात्रालाई सुरक्षित गराउन सुरूङ मार्गको निर्माण गरिएको पनि उनले बताए ।

चुरेको दोहन रोक्ने र खानिजन्य सामग्री त्यहाँबाट नहटाउने मान्यताका साथ सुरुङमार्ग निर्माण भएको मन्त्री पौडेलले बताए। ‘कतिपय व्यक्तिले सिद्धबाबाको डाँडाँ सम्म परेर माटो, ढुंगा हटाएर त्यहाँको यात्रालाई सुरक्षित गर्न सकिन्छ भनेर सुझाव नदिएका होइनन्, तर म स्वयम्ले त्यो डाँडाँको खानीजन्य पद्धार्थलाई निष्काशन गर्ने कुराको सख्त विरोध गरेको हो उपप्रधानमन्त्री पौडेलले भने ।  
 

अर्थमन्त्री पौडेलले वजेट वक्तव्यको बुँदा नम्बर १९९ मा कहिँ कतैपनि चुरेबारे उल्लेख नगरिएको भन्दै अनावश्यक रुपमा विवाद निकालिएको बताए ।

सरकारले चुरे क्षेत्रमा कुनै पनि प्रकारको हस्तक्षेप गर्न नदिने बताए। चुरेको संरक्षण गर्ने सरकारको अभिभारा रहेको भन्दै उनले चुरे क्षेत्रबाट केही पनि उत्खनन् तथा निकासी नगर्ने बताए ।  

‘बजेट वक्तव्यमा चुरे उल्लेख गरिएको छैन । चुरेबाट उत्खनन् गर्ने भनिएको छैन । हाम्रा यावत् पूर्ववर्ती निर्णयले चुरेमा कुनै पनि प्रकारले हस्तक्षप गर्न नदिने निर्णय गरेको छ । चुरेमा हामी कुनै प्रकारको दोहन हुन दिदैँनौ। त्यसको संरक्षण गर्छौ । त्यो हाम्रो अभिभारा हो । एक डोको माटो र एक डोको ढुंगा हामी चुरेबाट उत्खनन् गर्दैनौँ । त्यहाँबाट निकासी गर्दैनौँ । कोदालो, डोजर लिएर होइन एउटा कुटो लिएर खोस्रिने पनि काम गर्नुहुदैन भन्ने वर्तमान सरकारको दृढ धारणा हो ।’

यो खबर पढेर तपाईलाई कस्तो महसुस भयो ?

Love
0 %
WOW
0 %
 Like
0 %
Laugh
0 %
Sad
0 %
Angry
0 %

ताजा उपडेट

छुटाउनुभयो कि?

सबै