Dark

प्रधानमन्त्रीको विकल्प खोज्ने विषयमा कांग्रेस तयार छः वरिष्ठ नेता पौडेल

काठमाडौं । प्रमुख प्रतिपक्षी दल नेपाली कांग्रेसले वैशाख २७ मा प्रधानमन्त्रीले सांसदबाट विश्वासको मत लिने भएपछि सो प्रक्रियामा विपक्षमा उभिने निर्णय निर्णय गर्ने भएको छ । 

केन्द्रीय समिति बैठकबाटै प्रधानमन्त्रीको राजीनामा माग गरिसकेको प्रमुख प्रतिपक्षी दल कांग्रेसले प्रतिनिधि सभामा प्रधानमन्त्री केपी शर्मा ओलीको विपक्षमा उभिने निर्णय पदाधिकारी बैठकबाट गर्दै छ।

कांग्रेसले सो विषयमा छलफल गर्न आज २ बजे पदाधिकारीसहित पूर्व पदाधिकारीलाई छलफलमा बोलाइएको छ।

‘कांग्रेसले पार्टी निर्णय अनुसार नै आफूलाई अघि बढाउने छ । पहिले नै निर्णय भइसकेको छ, प्रधानमन्त्रीको विकल्प खोज्ने विषयमा कांग्रेस तयार छ । अरू दलसँग पनि कुराकानी हुँदै छ ।’ कांग्रेस वरिष्ठ नेता रामचन्द्र पौडेलले भने।

कांग्रेस उपसभापति विमलेन्द्र निधिले पार्टीले आफ्नै नेतृत्वमा सरकार बनाउने निर्णय गरिसकेकाले वर्तमान प्रधानमन्त्रीलाई विश्वासको मत नदिने बताएका छन् । उनले माओवादी केन्द्र र जसपाले समेत प्रधानमन्त्रीको विकल्प खोजिसकेकाले ती दललेसमेत प्रधानमन्त्रीलाई विश्वासको मत नदिने बताए।

निधिले भने  ‘माओवादी केन्द्र र जसपाले समेत प्रधानमन्त्रीको विकल्प खोजिसकेका छन्, राजीनामा मागिसकेका छन्, ती दललेसमेत प्रधानमन्त्रीको विपक्षमा मतदान गर्छन्।’

कांग्रेस सह महामन्त्री डा। प्रकाश सरण महतले सरकारको विकल्पका विषयमा विपक्षमा रहेका दलहरूसँग पहिलेबाट नै संवाद हुँदै आएको र पुनः छलफल हुने जानकारी दिएका छन् ।

उनले भने,  ‘सरकारको विकल्प खोज्ने विषयमा सत्ता बाहिरका दलहरूसँग संवाद पहिलेबाट नै हुँदै आइरहेको छ, पुनः छलफलहरू भइरहेका छन् । ’ 

कांग्रेसले आज बोलाएको पदाधिकारी बैठकमार्फत पार्टीले आफ्नै नेतृत्वमा सरकार बनाउने बारेमा छलफल,पार्टीको १४औँ महाधिवेशनको तयारी, क्रियाशील सदस्यताको छानबिन लगायतका विषयमा पनि छलफल गर्ने काँग्रेस मुख्यसचिव कृष्णप्रसाद पौडेलले जानकारी दिएका छन्।

यो खबर पढेर तपाईलाई कस्तो महसुस भयो ?

Love
0 %
WOW
0 %
 Like
0 %
Laugh
0 %
Sad
0 %
Angry
0 %

छुटाउनुभयो कि?

सबै