Dark

सरकारसँग खाद्यान्न र पेट्रोलियम पदार्थको मौज्दात

काठमाडौं । काठमाडौं उपत्यका लगायत मुलुकमा बिहीबारदेखि अधिकांश स्थानमा निषेधाज्ञा लागू गरिएपछि उपत्यका र देशभर औषधि, खाद्यान्न, पेट्रोलियम पदार्थ जस्ता अत्यावश्यक वस्तुको आपूर्तिमा प्रभाव पर्ने चिन्ता भइरहेको छ ।

तर, यसैबीच उद्योग, वाणिज्य तथा आपूर्ति मन्त्रालयले निषेधाज्ञाका कारण दैनिक उपभोग्य वस्तुको अभाव हुन नदिएको र उपभोक्तालाई उक्त आवश्यकताको आपूर्तिमा कुनै समस्या नभएको बताएका छन् ।

 

अत्यावश्यक वस्तुको ढुवानी तथा वितरण प्रणाली सजिलैसँग भइरहेकोले उपभोग्य वस्तुको मौज्दात र भण्डारण पर्याप्त रहेको जानकारी मन्त्रालयका सहप्रवक्ता उर्मिला केसील दिएकी छन् । सरकारी स्वामित्वको खाद्य व्यवस्था तथा व्यापार कम्पनी लिमिटेडले उपत्यकाका ४ वटा स्थानबाट खाद्यान्न सामग्री, स्यानिटाइजरलगायतका वस्तुहरुको कारोबार गरिरहेको छ ।

बिहीबारसम्म कम्पनीसँग २९ हजार ३ सय ३१ मेट्रिक टन चामल मौज्दात थियो भने ५ हजार मेट्रिक टन चामल खरिदको क्रममा छन् । सरकारी कम्पनीसँग भने ४ हजार ३ सय ८८ मेट्रिक टन गहुँ मौज्दात रहेको जनाइएको छ ।

यसैगरी, साल्ट ट्रेडिङ कर्पोरेसन, खाद्य व्यवस्था कम्पनी र निजीक्षेत्रसँग गरी ५० हजार ९८० मेट्रिक टन चिनी मौज्दात रहेको छ । अहिले साल्ट ट्रेडिङ्ग कर्पोरेशन लिमिटेडसँग ७६९ मेट्रिक टन र बाँकी निजीक्षेत्रसँग रहेको छ । निजी क्षेत्रसँग भएको चामलले ४ महिना र दलहनले ३ महिना पर्याप्त हुने छ ।
पेट्रोलियम पदार्थको आयातमा कुनै अवरोध नभएको कारण मन्त्रालयले पेट्रोलियम पदार्थ तथा खाना पकाउने एलपी ग्यासको आपूर्ति व्यवस्था पनि सहज रहेको बताएको छ ।

नेपाल आयल निगम लिमिटेडसँग ४८ हजार २४५ किलोलिटर पेट्रोलियम पदार्थ छ । हालको मौज्दातले कम्तीमा ७ देखि १० दिनसम्मको माग आपूर्ती गर्न सक्ने आंकलन गरिएको छ ।

निगमले वैशाख महिनाका लागि खाना पकाउने ग्यासमा तोकेको कोटाअनुसार ४६ हजार ३३२ मेट्रिक टन बिक्री वितरण गरिसकेको छ । ग्यासको आयात पनि नियमित रुपमा भइरहेकोले आपूर्तिमा समस्या नहुने जनाइएको छ ।
मन्त्रालयका अनुसार खाद्यान्नलगायत दैनिक उपभोग्य सामाग्री उत्पादन तथा वितरणका श्रमिकहरुको काममा अवरोध र रोक नलगाइएको कारणले पनि त्यस्ता सामग्रीको अभाव नभएको हो ।

यो खबर पढेर तपाईलाई कस्तो महसुस भयो ?

Love
0 %
WOW
0 %
 Like
0 %
Laugh
0 %
Sad
0 %
Angry
0 %

छुटाउनुभयो कि?

सबै