सार्वजनिक भयो एमाले महाधिवेशनको कार्यतालिका (तालिकासहित)

नारायण गाउँले
२०७८ वैशाख १७ शुक्रबार

काठमाडौं । नेकपा एमालेले आउँदो मंसिर २ देखि ६ गतेसम्म तोकिएको आसन्न महाधिवेशनको कार्यतालिका सार्वजनिक गरेको छ ।

मंसिर २ देखि ६ गतेसम्म तोकिएको महाधिवेशनका लागि एमालेले कार्यतालिका बनाएको हो ।

वैशाख ६, १० र १२ मा बसेको महाधिवेशन आयोजक कमिटीको बैठकले गरेका निर्णय सार्वजनिक गर्न जारी गरिएको अन्तर पार्टी निर्देशनमा कार्यतालिकाबारे उल्लेख गरिएको छ ।

वडा अधिवेशन भदौ ५ गते, पालिका अधिवेशन भदौ १५ गते र जिल्ला अधिवेशन भदौ ३० गतेलाई तय भएको छ । यस्तै असोज २३ गते भने प्रदेश अधिवेशन बताइएको छ ।

सम्बन्धित तहका अधिवेशन सम्पन्न भएपछि प्रदेशसभा तथा प्रतिनिधिसभा निर्वाचन क्षेत्र समन्वय कमिटीलाई अद्यावधिक गरिने उल्लेख गरिएको छ ।